ПОВИК ЗА АНГАЖИРАЊЕ КОМПАНИЈА ЗА СПРОВЕДУВАЊЕ МЕДИУМСКА КАМПАЊА
I. Општи информации
Првата детска амбасада во светот МЕЃАШИ во рамки на проектот „Промоција на безбедна училишна средина“ објавува повик за ангажирање медиумска/маркетинг агенција која ќе биде одговорна за креирање и спроведување кампања што ќе ја промовира важноста на родителите во намалувањето на насилството врз/меѓу децата и младите и ќе влијае на создавање безбедна средина во училиштата.
II. Цели
Заштитата и безбедноста на децата е императив на денешнината и потребно е сите засегнати страни да обезбедат негувачки, заштитни и безбедни средини каде што децата растат и се развиваат. Активното вклучување на родителите е од особено значење во овие процеси, со посебен фокус на врсничкото насилство. Токму поради тоа, основна цел на овој повик/ангажман е да се креира и спроведе медиумска кампања која ќе придонесе кон здружено градење средини кои нема да бидат толерантни кон насилството и кои ќе реагираат превентивно но и итно кога насилството се случува. Родителите се клучни во овој синџир. Тие можат да им помогнат на децата да го спречат насилството со тоа што ќе зборуваат за истото, ќе се вклучат во активности за градење безбедни училишни средини, ќе размислуваат за стратегии за превенција на врсничкото насилство и на локално и на национално ниво итн. Во таа насока треба да се подготви кампања која би се состоела од најмалку 10 кратки видеа и пропратна кампања за социјалните медиуми.
III. Опис на работни задачи
Избраната компанија ќе треба:
● Да соработува и да ги следи насоките за изработка и спроведување на кампањата од лицето назначено за комуникација од ПДАС Меѓаши.
● Да изработи комуникациски план за спроведување на кампањата за времетраење од 2 години во соработка со тимот на ПДАС Меѓаши.
● Да го презентира дигиталниот маркетинг план и визуелен идентитет на кампањата пред нарачателот и да го модифицира во согласност со дадените насоки од нарачателот, доколку има потреба.
● Да испорача координативни состаноци, за јакнење на капацитети во соработка со волонтерскиот тим, на кои ќе ги запознае волонтер(к)ите со процесот на подготовка и развој на содржини, визуелен идентитет и комуникација и ширење на кампањата во медиумите.
● Во заедничка соработка со волонтерскиот и проектниот тим од организацијата да развијат концепт за медиумската кампања, насоки за развој и дефинирање на целната група.
● Во согласност со договорениот концепт, медиумската агенција да ги обезбеди потребните ресурси, капацитети и потреби за создавање и спроведување на кампањата.
● Да го изработи целосниот дигитален материјал и содржини за спроведување на кампањата (вклучувајќи дизајни за објави, постери, инспиративни / лични приказни, едукативни артикли, текст за објави, кратки видеа, тагови итн.).
● Да се обезбеди доволен број видео записи за изработка на најмалку 10 кратки видеа од кои дел ќе бидат финализирани за промоција до 30.09.2024 односно 31.08.2025.
● Да обезбеди корисничка поддршка при спроведување на комуникацискиот план.
● Да го подготви дигиталниот маркетинг план и стратегијата за медиумската кампања согласно темата и договорот од 15.08.2024 до 31.08.2024. Доколку има потреба во наведениот период материјалот да се корегира и менува согласно текот и потребите на кампањата.
● Да биде одговорна за дисеминација на подготвениот материјал и спроведување на кампања за промоција на проектот, со целна група родители/старатели до август 2026 година, преку утврдените канали на комуникација и промоција во комуникациската стратегија во соработка со ПДАС Меѓаши.
● Да изготви извештај за текот на активностите, како и постигнатите резултати од кампањата.
● Да спроведе платена промоција на медиумската содржина во текот на 12 месеци, рамномерно распределени за времетраењето на кампањата.
IV. Критериуми за кандидатите
Компаниите што ќе аплицираат треба да ги исполнуваат следниве критериуми:
Компанијата треба да е формирана согласно македонското законодавство и активно да работи во последните две години.
Претходно искуство во креирање и спроведување кампањи, предност ќе биде искуство во соработка со граѓанскиот сектор.
Финансиска понуда.
Доставен предлог концепт за медиумска кампања.
Понудите треба да се достават најдоцна до 05.08.2024 година.
повеќе...
Локални панели - Место за растење: Општини посветени на децата
Ни претставува задоволство да Ве поканиме на локалните панели во Дебар, Кисела Вода, Гостивар, Велес и Виница во рамки на проектот „Место за растење: Општини посветени на децата“.
Годишен извештај за работата на АлоБушавко 070390632 – телефон за деца имлади 2023
2023 гoдина беше значајна година за тимот на Меѓаши. Ало Бушавко 070390632- телефонот за деца и млади го одбележа своето 30 годишно поддржување,насочување и лобирање за децата и младите во Македонија. И покрај тоа штобројот на деца кои нè контактирале не е голем, сепак споредено со минатитетри години се забележува поголем број деца и млади кои директно нѐконтактираат. Тимот на Ало Бушавко и понатаму продолжува со напорите иактивностите за охрабрување на децата и младите да се јават, за да сеинформираат или за да пријават прекршување на нивните права.Продолживме со пренасочување на повиците и притоа не направивме никаковпрекин во давањето на нашите услуги и 24/7 достапност.
За жал, 2023 година ја обележаа немили настани во Македонија и регионот,вклучително и трагичниот случај на изгубен живот на млада личност.Размерот во кој овие настани резонираа и ефектите што ги предизвика пред семеѓу децата и младите за жал ниту стручната јавност ниту пак надлежнитеструктури не успеаа да ги аморитизираат, и покрај напорите сепак не сеиспитаа условите во нашиот образовен систем, можните чинители за појава наслични случки за да може да се направат стратегии за превенција. Сето овапридонесува кон креирање голем број стресори за менталното здравје изголемување на ранливоста на сите, но особено на децата и младите.
Токму затоа во таков општествен контекст, на прво место на проблеми илипричини заради кои се јавиле дојавувачите на Ало Бушавко, во изминататагодина се последици врз нарушено ментално здравје на децата, дури 35% одвкупните дојави, или инаку гледано секое трето дете има нарушено менталноздравје. Меѓу причините за ваквата состојба дополнително придонесуваат инарушените родителски односи, проблем кој следствено продолжува дакотира помеѓу првите три места во категоријата проблеми години наназад.
PDF...
В О Д И Ч
УЛОГАТА НА РОДИТЕЛИТЕ ВО ПРЕВЕНЦИЈА И СПРАВУВАЊЕ СО НАСИЛСТВО ВО УЧИЛИШТАТА
Секое дете има право да живее без насилство, експлоатација и злоупотреба. Затоа и во нашата држава во прв план е заштитата на децата која е гарантирана со Конвенцијата за правата на детето, која ги обврзува државите потписнички да ги преземат сите соодветни законoдaвни, административни, социјални и образовни мерки за заштита на децата од сите форми на насилство. Детската добросостојба и нивната безбедност се од најголема важност за сите, односно за родителите, училиштето, заедницата. Сепак, сè уште имаме ранливи деца, деца кои доживеале трауми и имаат негативни детски искуства заради доживеана одредена форма на насилство. Современото семејството доживува длабоки промени во својата структура, функционирање и динамика, се соочува со кризи на повеќе нивоа како што се сиромаштија, дискриминација, насилство, социјална исклученост, разводи. Но, и покрај сè, децата сè уште се исти и бараат многу љубов, грижа и внимание од родителите.
Во светот во кој растат децата, покрај семејството, и училиштето треба да биде безбедно и поддржувачко место каде секое дете може да се развива и учи во стимулативно и безбедно опкружување. Но, за жал, реалноста ја става заедницата пред предизвикот поврзан со превенција и справување со насилство во училиштата.
Децата поминуваат по 6 до 8 часа дневно во училиште или над 200 ‒ 250 денови во годината. Времето поминато на училиште е долго, а учењето и животното искуство кое се стекнува на училиште е едно од највредните.
PDF...
За амбасадата
Првата детска амбасада во светот МЕЃАШИ е основана на 29 април 1992 година во Скопје, и е прва регистрирана граѓанска организација за заштита на правата на детето во Република Македонија, со визија за Поправеден свет за секое дете!
Како една од малкуте организации со голема доверба меѓу граѓаните денес, МЕЃАШИ е синоним за правата и добробитта на децата. Со години, таа е една од организациите што граѓаните најмногу ја препознаваат, но и посветен партнер на бројни граѓански организации и иницијативи, мрежи, јавни институции, медиуми и компании од земјава и од странство.
Меѓаши е претпознатлива по големиот број активности, организација која е гласна за најгорливите општествени прашања кои ги засегаат децата.
Партиски независна, со јасен увид во општествените проблеми и потреби благодарение на своите сервиси и конституенти секогаш е спремна да одговори на сите поголеми предизвици без разлика на моментното проектно портфолио.
PDF...
Стратегија за унапредување на правата на децата на подрачјето на Град Скопје
2023-2027
1. ВОВЕД
Правата на децата подразбираат многу аспекти вклучувајќи право на семејство и родители, идентитет, физичка заштита, образование, здравствена заштита, заштита на граѓанските права на детето, слобода од дискриминација врз основа на раса, пол, сексуална ориентација на детето, национално потекло, религија, инвалидитет, боја, етничка припадност или други карактеристики, како и низа други права. Градот Скопје сериозно им приоѓа на проблемите поврзани со правата на децата и е решен да ја овозможува и поддржува примената на Конвенцијата за детски права на своето подрачје.
Имајќи предвид дека Националниот план за акција за правата на децата (НПАПД) кој беше донесен во 2005 и ревидиран во 2012 година истече во 2015 година, при што нов акциски план не е изготвен, Градот Скопје смета дека треба да биде адресирано ова прашање и се заложи да го спроведе проектот „Стратегија и Акциски план за унапредување на правата на децата и Акциски план за поддршка на деца на улица/улични деца во Град Скопје“. Намерата беше овој проект да придонесе кон унапредување на правата на децата во Градот Скопје. Целта на проектот беше да се обезбеди поддршка на Градот Скопје во развој на стратегија и механизми со кои во следните пет години ќе се овозможи поцелосна имплементација и промоција на Конвенцијата за правата на детето и ќе се применуваат стандардите на Конвенцијата, со посебен осврт кон стратешко решавање на горливиот проблем на градот - децата на улица.
повеќе...
PDF...
Прилози кон политиката за заштита на децата
PDF...
ДОКУМЕНТАРЕН ФИЛМ 30 ГОДИНИ ОД ОСНОВАЊЕТО НА ПРВАТА ДЕТСКА АМБАСАДА ВО СВЕТОТ МЕЃАШИ 1992-2022 – 30 ГОДИНИ БОРБА ЗА ПОПРАВЕДЕН СВЕТ ЗА ДЕЦАТА 1992-2022 (кратка верзија)
Детска амбасада МЕЃАШИ
30 години
„Сите идеали на светот се побезначајни од солзите на едно дете!“ - Достоевски
Децата се посебен народ. Децата не се национални и верски војсководци. Тие се еден народ, кој никогаш не извел револуција или контрареволуција, ниту пак повел војна. Децата не се ни класно ни национално прашање: децата се прашање над сите прашања. Тие се народ кој најмногу страда во воените судири и човековите трагедии. Децата се само деца
(цитат од Повелбата на Првата детска амбасада во светот)
PDF - 10.423 KB
АлоБушавко нова веб страна на СОС телфонот за деца и млади
Ало Бушавко, новата комуникациска платформа на СОС телефонот за деца и млади, има за цел да понуди нов комуникациски канал за децата и младите – писмена комуникација во живо: чет или преку електронска пошта. Разбирајќи дека не секој сака веднаш да стапи во комуникација Ало Бушавко ќе нуди и поинаква комуникациска поддршка – содржини на различни теми од интерес за децата, младите но и возрасните во кои ќе бидат понудени објаснувања на некоја појава, проблем, причините зошто се појавуваат како и совети и насоки што би можело да се стори.
Платформата сеуште ја уредуваме, но ќе ни значи многу доколку најдете време, ја посетите, разгледате и ќе ни дадете ваши забелешки, предлози и мислење како ви се чини. Особено ќе ни значи мислењето од децата и младите! Посетете не
Ало Бушавко: Твој пријател кога имаш проблем (alobushavko.mk)
Партнерство за помирување преку ран детски развој и образование во Европа
Воведна конференција за презентација на регионалната програма Партнерство за помирување преку ран детски развој и образование во Европа
Денес, 28 февруари 2013 година, во просториите на Клубот на новинари во Скопје, Првата детска амбасада во светот МЕЃАШИ - Република Македонија, ја одржа воведната Конференција за промоција на новата програма Партнерство за помирување преку ран детски развој и образование во Европа.
Конференцијата имаше цел да даде преглед за сѐ она што ќе се случува во рамките на програмата во наредните две години, како на национално така и на регионални ниво.
повеќе...
Извештај за состојбата на правата на децата во РМ
Извештајот за состојбата на правата на децата во Република Македонија е подготвен од страна на Македонската национална коалиција на НВОи за правата на децата (неформална коалиција) која ја сочинуваат 14 граѓански здруженија и една коалиција на граѓански здруженија.
повеќе...
Во најновиот број на електронскиот информатор на Амбасадата БУШАВКО бр 42 (Декември 2011 - Мај 2012) можете да ги прочитате следните содржини: 1. 20 Години Прва детска амбасада во светот - Меѓаши 2. Педофилија 3. Семејно насилство 4. Деца на улица 5. Насилство меѓу младите 6. Мировно образование 7. Трговија со деца 8. СОС телефон за деца и млади 0800 1 2222 9. Од дом на свое 10. Политичка злоупотреба на деца 11. Мониторинг, застапување и лобирање 12. Одржливост и промоција  |
повеќе...
ИНТЕРВЈУ СО ДРАГИ ЗМИЈАНАЦ, ПРВИОТ ЧОВЕК НА ПРВАТА ДЕТСКАТА АМБАСАДА ВО СВЕТОТ МЕЃАШИ Доживотен затвор и хемиска кастрација за педофилите! ВЕЧЕР вторник, 22 мај 2012 Бр. 14996 НОВИНАРИ Стефан Рашковски и Огнен Чанчаревиќ Драги Змијанац е на чело на Детската амбасада Меѓашии веќе неколку години и на себе го има преземено товарот да се бори за правата и заштитата на децата во Македонија. Со својот тим и скромните ресурси и законски алатки кои ги има на располагање успеа да ја смени свеста на јавноста во државата и да ги убеди и едуцира децата дека имаат свои права и дека секогаш има кој да ги заштити |
повеќе...
Прес конференција по повод Извештајот за состојбата со правата на децата во Република Македонија Денес, Македонската национална коалиција на невладини организации за правата на детето (неформална коалиција) , координирана од Првата детска амбасада во светот Меѓаши, во просториите на Првата детска амбасада во светот Меѓаши (ул.„Коста Новаковиќ“ 22а, Скопје) се организира прес конференција со цел да го презентира Извештајот за состојбата со правата на децата во Република Македонија подготвен од група на невладини организации кој се однесува на периодот од јуни 2010 до декември 2011 година. |
повеќе...
Високите казни не можат да ги запрат педофилите Скопје, 9 мај - Деновиве треба да профункционира регистар за педофили, кој треба на интернет да ги прикаже осудените педофили од Македонија. Министерството за труд и социјална политика подготви листа од седумдесетина педофили, кои граѓаните ќе можат да ги видат преку интернет, преку страницата: www.stop-pedofilija.org.mk. Таму ќе бидат објавени фотографии, имиња и презимиња на осудените педофили. На страницата , можат да се најдат поуки, совети и насоки за жртвите И за нивните родители. |
повеќе...
ДЕТСКАТА АМБАСАДА МЕЃАШИ - 20 ГОДИНИ РАСТЕШЕ СО ДЕЦАТА Децата нe препознаа и ни ја доверија потребата да ги заштитуваме и да ги застапуваме. Проговоривме јавно за многу проблеми со кои тие се соочуваат и ја издигнавме јавната свест за значењето и неопходноста од почитувањето на правата на детето На прославата беше презентиран документарниот филм „20 години прва детска амбасада во светот – Меѓаши“ |
повеќе...