1. 20 Години Прва детска амбасада во светот - Меѓаши 2. Педофилија 3. Семејно насилство 4. Деца на улица 5. Насилство меѓу младите 6. Мировно образование 7. Трговија со деца 8. СОС телефон за деца и млади 0800 1 2222 9. Од дом на свое 10. Политичка злоупотреба на деца 11. Мониторинг, застапување и лобирање 12. Одржливост и промоција

Денес, Македонската национална коалиција на невладини организации за правата на детето (неформална коалиција) , координирана од Првата детска амбасада во светот Меѓаши, во просториите на Првата детска амбасада во светот Меѓаши (ул.„Коста Новаковиќ“ 22а, Скопје) се организира прес конференција со цел да го презентира Извештајот за состојбата со правата на децата во Република Македонија подготвен од група на невладини организации кој се однесува на периодот од јуни 2010 до декември 2011 година.

Скопје, 9 мај - Деновиве треба да профункционира регистар за педофили, кој треба на интернет да ги прикаже осудените педофили од Македонија. Министерството за труд и социјална политика подготви листа од седумдесетина педофили, кои граѓаните ќе можат да ги видат преку интернет, преку страницата: www.stop-pedofilija.org.mk. Таму ќе бидат објавени фотографии, имиња и презимиња на осудените педофили. На страницата , можат да се најдат поуки, совети и насоки за жртвите И за нивните родители.

Децата нe препознаа и ни ја доверија потребата да ги заштитуваме и да ги застапуваме. Проговоривме јавно за многу проблеми со кои тие се соочуваат и ја издигнавме јавната свест за значењето и неопходноста од почитувањето на правата на детето На прославата беше презентиран документарниот филм „20 години прва детска амбасада во светот – Меѓаши“

Под мотото „20 години за децата“, Детската амбасада „Меѓаши“ оваа година прославува 20-годишен јубилеј. Формирана во 1992 година, Амбасадата најпрво се оформи како група на граѓани кои имаа цел да им помогнат на децата-бегалци од војната во БиХ, но предизвиците не застанаа таму...

Првата детска амбасада во светот МЕЃАШИ е најстара граѓанска организација во Македонија за заштита на правата на детето, основана на 29. април 1992. година. Со одбележувањето на 20-тиот роденден го започнуваме одбележувањето на јубилејот. Во план се прес конференции, свечени академии, кампања, забава за волонтери, средби со некогашните деца бегалци, доделувања признанија, инаугурации, документарни филмови, публикации, промотивни материјали, конкурси за деца/училишта, изложби, промоции на збирки поврзани со бегалските кризи во 90те, одбележување на значајни датуми поврзани со децата и нивната заштита... Во овие рамки ќе биде промовирана и Монографија во која ќе бидат опишани позначајните активности и резултати од работата на Првата детска амбасада во светот Меѓаши во изминатите 20 години.

Меѓународниот ден за деца на улица за прв пат беше меѓународно одбележан на 12 април 2011 година од страна на Конзорциумот за деца на улица (GSC), една од водечките меѓународни мрежи за остварување на правата на децата на улица во светот. Кампањата се одбележа во Националниот театар во Лондон, каде се изложија фотографии од деца на улица, а го прославија децата на улица, невладиниот сектор, политичари, славни личности, компании и индивидуалци од целиот свет.

Педофилите претставуваат опасност за секое општество, а нивните злосторства се сигурно меѓу најгнасните кои може да ги стори едно човечко суштество. Лузните кои ги оставаат овие полулуѓе се трајни и неизбришливи, а жртвите засекогаш ќе ги носат траумите од пеколот низ кој минале, секако ако успеале да го преживеат.

Најмалку 370 деца – питачи во Македонија се оставени сами на себе, со родители кои наместо да се геижат за нив, заработуваат на нив, но и без никаква можност за помош бидејќи за државава – тие не постојат. Оваа шокантана бројка, која може да биде многу поголема, но никкао помала, ја соопшти канцеларијата на Народниот правобранител, а произлезе од нивно истражување и првпат ја објавувава една државна институција. Уште една лоша вест е дека само девет од вкупно 14 центри за социјална заштита имаа некаква евиденција за овие деца. Вкупно ви државава има најмалку 1.000 деца – питачи, покажува ова истражување.

Меѓународната евиденција за бројот на случаеви на заштитени деца, всушност покажува дека ранливите деца (особено сиромашните и/или маргинализираните деца кои потекнуваат најчесто од етнички малцинства и/или домакинства со лимитирани ресурси) се повеке изложени на ризик од можноста да бидат недоволно згрижени, дискриминирани, злоупотребувани или експлоатирани од страна на лугето. Сиромашните и маргинализираните деца, исто спагаат во ризичните групи бидејки тие најчесто се жртви на сексуална експлоатација и злоупотреба, тргувани и/или вработени во несигурни или експолатативни средини. Постојат механизми за поддршка на ранливите групи на деца но тие не се континуирано поддржани од страна на државата, не им се познати на децата и тие незнаат каде би требало да се обратат доколку им биде потребна помош или некој со кој ке зборуваат или ги застапуваат за тоа.